ZANZIBAR HAITISHIKI NA KUZIMIWA UMEME

Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein amesema serikali yake haitishiki na tishio la kukatiwa Umeme na iko tayari kutumia vibatari na deni linalodaiwa sio la leo wa jana.

Dkt. Shein alitoa msimamo huo katika Uwanja wa Ndege wa Zanzibar mara baada ya kurejea akitokea nchini Indonesia ambapo alikwenda kuhudhuria mkutano wa nchi zinazo pakana na bahari ya hindi akimwakilisha Rais Dkt Magufuli.

Kauli hio imekuja mara baada Shirika la Umeme Tanzania(TANESCO) kutoa siku 14 kwa wadaiwa sugu likiwamo Shirika la Umeme Zanzibar(ZECO) kuhakikisha wanalipa madeni yao.

Kaimu mkurugenzi wa Shirika hilo, Tito Mwinuka amesema mpaka sasa wanadai bilioni 275 na kwamba wadaiwa hao wasipolipa watakatiwa umeme.