VIPIMO NA MATIBABU YA UGONJWA WA MALARIA SASA BURE

Kufuatia maadhimisho ya Siku ya Malaria Duniani ambayo kwa mwaka huu kauli mbiu yake ni ‘tokomeza Malaria kabisa’ Waiziri wa Afya, maendeleo ya Jamii, Jinsia na Watoto Ummy Mwalimu amepiga marufuku vituo vyote vya afya vya umma kuwalipishwa wananchi wanaokwenda kupima maambukizi ya ugonjwa wa Malaria kwa kipimo cha MRDT. Pia ameongeza kuwa matibabu ya ugonjwa huo yatakuwa bure vituo vya umma havitatakiwa kuwalipishwa wagonjwa wa Malaria kwa ajili ya dawa za mseto (ALUU).

“Napenda kusisitiza vituo vya umma vinavyotumia vipimo vya MRDT kwa wagonjwa wa Malaria, vipimo hivyo ni bure na pia mgonjwa asilipishwe fedha kwa dawa za mseto ama Yule aliyelazwa kuchomwa sindano ya ugonjwa huo, Waganga wakuu wa mikoa na wilaya hakikisheni kuanzia sasa manfuatilia wahudumu wote na watakaokiuka agizo hili watachukuliwa hatua za kisheria” alisema Waziri Ummy

Pia waziri Ummy amewataka wananchi kutoa ushirikiano kuwafichua wahudumu na vituo ambavyo vitakuwa vikitoza fedha kwa ajili ya vipimo na matbabu kwa ajili ya ugonjwa wa Malaria kupitia kipimo cha MRDT, pia maabara binafsi ambazo zipo kifedha zaidi zimetakiwa kutoa huduma hiyo kuacha tabia ya kuwaambia wana maambukizi ya ugonjwa wa Malaria wakati hawana na badala yake kuanglia zaidi maisha ya watu.

Waziri Ummy Mwalimu pia ametoa takwimu kutoka vituo vya afya zinazoonesha kwamba takriban watu Milioni 12 kila mwaka wanaugua ugonjwa huo, huku mkoa wa Kagera, Geit na Kigoma ikiongoza kwa maambukizi ya ugonjwa huo kwa mwaka 2015 na 2016 ambapo watoto wenye umri chini ya miaka mitano na mama wajawazito wakiathirika zaidi.